خواتین کو بااختیار بنانا ہی مضبوط پاکستان کی بنیاد ہے،چیئر پرسن بی آئی ایس پی کا یوم پاکستان پر پیغام

اسلام آباد۔23مارچ (اے پی پی):چیئر پرسن بے نظیر انکم سپورٹ پروگرام (بی آئی ایس پی)سینیٹر روبینہ خالد نے یومِ پاکستان کے موقع پر اپنے خصوصی پیغام میں کہا ہے کہ معاشی خودمختاری ،عوامی فلاح ہمارا مشترکہ ہدف ہے ، بی آئی ایس پی غریب عوام کی خدمت میں پیش پیش ہے ،خواتین کو بااختیار بنانا ہی مضبوط پاکستان کی بنیاد ہے ۔بی آئی ایس پی کی جانب سے جاری پیغام میں سینیٹر روبینہ خالد نے کہا کہ یومِ پاکستان ہمیں اتحاد، ایمان اور نظم و ضبط کا درس دیتا ہے،قائداعظم کے وژن پر عمل ہی پاکستان کی ترقی کی ضمانت ہے۔

انہوں نے کہا کہ معاشی خودمختاری اور عوامی فلاح ہمارا مشترکہ ہدف ہے،بے نظیر انکم سپورٹ پروگرام غریب عوام کی خدمت میں پیش پیش ہے،خواتین کو بااختیار بنانا ہی مضبوط پاکستان کی بنیاد ہے۔ انہوں نے کہا کہ یومِ پاکستان تجدید عہد کا دن ہے، ہمیں مل کر ملک کو آگے بڑھانا ہے۔سینیٹر روبینہ خالد نے کہا کہ مستحق خاندانوں کی مدد حکومت کی اولین ترجیح ہے۔ انہوں نے کہا کہ آئین و قانون کی بالادستی ہی پاکستان کو مستحکم بنائے گی۔انہوں نے کہا کہ آج کے دن ہمیں اپنے قومی ہیروز کی قربانیوں کو یاد رکھنا چاہیے،خوشحال اور مضبوط پاکستان کے لیے سب کو اپنا کردار ادا کرنا ہوگا۔