اسلام آباد پولیس لائنز ہیڈ کوارٹر کرکٹ گراؤنڈ میں دوستانہ میچ میں چکوال کی ٹیم فاتح

اسلام آباد۔15جنوری (اے پی پی):پولیس اہلکاروں میں صحت مندانہ سرگرمیوں کے کلچر کو فروغ دینے کے لیے اسلام آباد پولیس لائنز ہیڈ کوارٹر کرکٹ گراؤنڈ میں ایک دوستانہ کرکٹ میچ کا انعقاد کیا گیا۔ اس اقدام سے اسلام آباد کیپٹل پولیس اور چکوال پولیس کے درمیان پرجوش مقابلہ دیکھنے کو ملا ۔ اس تقریب کے مہمان خصوصی کیپٹل پولیس آفیسر (سی پی او) سکیورٹی ڈویژن تھے، جن میں اسلام آباد کیپٹل پولیس اور چکوال پولیس دونوں کے اہلکاروں کی نمایاں موجودگی تھی۔

چکوال پولیس نے ٹاس جیت کر پہلے بیٹنگ کرتے ہوئے مقررہ 30 اوورز میں 216 رنز بنائے جبکہ اسلام آباد کیپٹل پولیس کی ٹیم 176 رنز بنا سکی۔ چکوال پولیس نے 40 رنز سے فتح حاصل کی۔ میچ کے بعد سی پی او سکیورٹی ڈویژن کی جانب سے کھلاڑیوں میں شیلڈز تقسیم کی گئیں ۔

آئی سی سی پی او ڈاکٹر اکبر ناصر نے اس بات پر زور دیا کہ کرکٹ میچ پولیس اہلکاروں کو صحت مندانہ سرگرمیوں میں مشغول کرنے کی طرف ترغیب اور رہنمائی فراہم کرنے کا مقصد ہے۔ انہوں نے فورس کی مجموعی بہبود کو برقرار رکھنے میں ان کی اہمیت کو اجاگر کرتے ہوئے مستقبل میں بھی ایسے اقدامات کو برقرار رکھنے کے عزم کا اظہار کیا۔