روئی کے آفیشل اسپاٹ ریٹس 6 ہزار 450 روپے اور 6 ہزار 912 روپے پر بند

کراچی ۔ 18 جنوری (اے پی پی) روئی کے آفیشل اسپاٹ ریٹس برائے 37.324 کلو گرام اور 40 کلوگرام کے بھاﺅ میں تیزی کا رجحان رہا۔ بدھ کو 37.324 کلو گرام اور 40 کلوگرام کے ریٹس میں بالترتیب 75 روپے اور 80 روپے کا اضافہ ہوگیا۔ کراچی کاٹن ایسوسی ایشن سے جاری کردہ اعداد و شمار کے مطابق روئی کی فصل 2016-17ءکے آفیشل اسپاٹ ریٹس برائے 37.324 کلو گرام کے نرخ گذشتہ کاروباری روز کے بھاﺅ 6 ہزار 375 روپے سے بڑھ کر 6 ہزار 450 روپے اور 40 کلوگرام کے ریٹس 6 ہزار 832 روپے سے بڑھ کر 6 ہزار 912 روپے ہوگئی۔ اسی طرح 37.324 کلوگرام کے بھاﺅ 135 روپے اندرون ملک اخراجات کے ساتھ 6 ہزار 585 روپے اور 40 کلوگرام کے ریٹس 145 روپے اندرون ملک اخراجات کے ساتھ 7 ہزار 57 روپے پر بند ہوئے۔