سپین کے وزیراعظم کے طیارے کی ترکیہ میں ہنگامی لینڈنگ

انقرہ ۔4مئی (اے پی پی):سپین کے وزیراعظم پیڈرو سانچیز کو لے جانے والے طیارے نے فنی خرابی کے باعث ترکیہ میں ہنگامی لینڈنگ کی ہے۔فرانسیسی خبر رساں ادارے اے ایف پی کے مطابق سانچیز ہمسایہ ملک آرمینیا میں یورپی پولیٹیکل کمیونٹی کے اجلاس میں شرکت کے لیے جا رہے تھے جب یہ واقعہ پیش آیا۔

سپانوی حکومت کے ایک بیان کے مطابق انقرہ میں قیام کے بعد ہسپانوی وفد آج صبح آرمینیا کے لیے اپنا سفر دوبارہ شروع کرے گا۔اس نے فنی خرابی کی نوعیت کے بارے میں کوئی تفصیلات فراہم نہیں کی گئیں۔

یورپی رہنما یورپی پولیٹیکل کمیونٹی کے اجلاس کے لیے آرمینیا کے دارالحکومت یریوان میں اکٹھے ہو رہے ہیں جو پیر کو شروع ہو رہا ہے۔