"ڈسٹرکٹ پولیس آفیسر سرگودھا توقیر محمد نعیم نے رات گئے تھانہ ساہیوال اور تھانہ ترکھانوالہ کا دورہ کیا، جہاں انہوں نے سکیورٹی، ریکارڈ اور پولیسنگ کے انتظامات کا جائزہ لیا۔”
ڈی پی او سرگودہا کا رات گئے تھانہ ساہیوال اور ترکھانوالہ کا اچانک دورہ
سرگودھا۔ 26 جولائی (اے پی پی):ڈسٹرکٹ پولیس آفیسرسرگودھا توقیر محمد نعیم نے رات گئے تھانہ ساہیوال اور تھانہ ترکھانوالہ کا دورہ کیا ۔
اپنے اس دورے کے دوران ڈی پی او نے تھانہ جات کی عمارتوں کی صفائی، فرنٹ ڈیسک، حوالات اور مال خانہ سمیت دیگر امور کا تفصیلی جائزہ لیا۔ حوالات میں بند ملزمان کا ریکارڈ چیک کیا اور فرنٹ ڈیسک پر شہریوں کی درج کردہ شکایت کا پیشرفت سے معائنہ کیا۔ اس موقع پر ڈی پی او توقیر محمد نعیم نے ایس ایچ اوز اور محرران کو سخت ہدایات جاری کرتے ہوئے کہا کہ تھانہ میں آنے والے شہریو ں کی دادرسی کو ہر صورت یقینی بنایا جائے۔ ناانصافی یا غفلت کسی صورت برداشت نہیں کی جائے گی۔ انہوں نے مزید ہدایت کی کہ گشت کے نظام کو مزید موثر بنایا جائے تا کہ جرائم پیشہ عناصر کی سرکوبی اور شہریوں کے مال و جان کا تحفظ یقینی بنایا جا سکے۔
