وفاقی وزیر اسد عمر کا ایم ایل ون منصوبے کے پی سی ون کی تیاری اور پروسیسنگ کی صورتحال اور پاکستان ریلوے سٹرٹیجک پلان کے جائزہ اجلاس سے خطاب

اسلام آباد ۔ 11 فروری (اے پی پی) وفاقی وزیر برائے منصوبہ بندی اور خصوصی اقدامات اسد عمر نے کہا ہے کہ حکومت ملک میں ریلوے کے بنیادی ڈھانچے کو بہتر بنانے اور اپ گریڈ کرنے کی خواہاں ہے اور اس سلسلے میں ایم ایل ون سب سے اہم منصوبہ ہے۔ ان خیالات کا اظہار انہوں نے منگل کو ایم ایل ون منصوبے کے پی سی ون کی تیاری اور پروسیسنگ کی موجودہ صورتحال اور پاکستان ریلوے سٹرٹیجک پلان کا جائزہ اجلاس سے خطاب کرتے ہوئے کیا۔ اجلاس میں منصوبے کی اہمیت کے ساتھ ساتھ اس منصوبے کے لئے درکار فنانسنگ کے پیمانے پر بھی غور کیا گیا۔ وفاقی وزیر نے کہاکہ حکومت ملک میں ریلوے کے بنیادی ڈھانچے کو بہتر بنانے اور اپ گریڈ کرنے کی خواہاں ہے اور اس سلسلے میں ایم ایل ون سب سے اہم منصوبہ ہے۔ اسد عمر نے کہاکہ استعداد کار میں بہتری ، مال بردار خدمات اور مسافروں کو معیاری سفری سہولیات کی فراہمی ہماری اولین ترجیحات ہیں۔ انہوں نے کہا کہ ملک بھر میں انفراسٹرکچر کی ترقی اور اپ گریڈ کے لئے ایک جامع حکمت عملی وضع کرنے اور ایک مستقل سفری رابطوں کے خلا کو پ±ر کرنے کی ضرورت ہے ،ریلوے کو تیسری پارٹی کے جائزہ لینے کے کام میں تیزی لانا چاہئے تاکہ منظوری کے لئے جلد سے جلد کارروائی کی جاسکے۔اسد عمر نے فنانسنگ کمیٹی کو مزید کہا کہ وہ اپنے کام کو تیز کریں اور چینی فریق سے مستقل رابطہ میں رہیں تاکہ مالی اعانت کے شرائط و ضوابط کو حتمی شکل دی جاسکے۔انہوں نے ایم او آر پر زور دیا کہ ریلوے کی بحالی اور اس کے مستقبل کے نظام اور نظام کی دیکھ بھال کے لئے ادارہ جاتی / تنظیمی اصلاحات ناگزیر ہیں۔ اس سلسلے میں ، ریلوے کو اصلاحات کا نفاذ کرنا چاہئے اور تنظیمی ڈھانچے کو بہتر بنانا چاہئے تاکہ زیادہ بڑے انفراسٹرکچر کو سنبھال سکیں۔وزیر موصوف نے کہا کہ ایم ایل ون کے علاوہ کراچی سرکلر ریلوے بھی اسی شعبے میں ایک اہم منصوبہ تھا۔ انہوں نے کہا کہ حکومت ان دونوں منصوبوں کو حتمی شکل / نافذ کرنا چاہتی ہے۔ایم ایل ون منصوبے کے لئے ایک فنانسنگ کمیٹی بھی تشکیل دی گئی ہے جو فنانسنگ کی شرائط و ضوابط کے سلسلے میں اس منصوبے پر عمل درآمد کے طریقوں پر غور کررہی ہے۔