آئی سی سی مینز ٹی20 ورلڈ کپ 2026 کے تحت سوموار کے روز میڈیا سرگرمیوں کا شیڈول جاری کر دیا

کولمبو ۔22فروری (اے پی پی):آئی سی سی مینز ٹی20 ورلڈ کپ 2026 کے تحت سوموار کے روز میڈیا سرگرمیوں کا شیڈول جاری کر دیا گیا ہے۔ممبئی میں گروپ 1 کے سپر 8 مرحلے کے میچ میں زمبابوے اور ویسٹ انڈیز کی ٹیمیں ایک دوسرے کے مقابل ہوں گی۔ یہ میچ وینکھیڈے اسٹیڈیم میں مقامی وقت کے مطابق شام 7 بجے شروع ہوگا۔ میچ کے اختتام کے تقریباً 15 منٹ بعد دونوں ٹیمیں میڈیا سے گفتگو کریں گی، جس میں پہلے ہارنے والی ٹیم اور بعد میں جیتنے والی ٹیم کے کھلاڑی اور آفیشلز شامل ہوں گے۔

کینڈی میں گروپ 2 کے سپر 8 مرحلے کے میچ میں انگلینڈ اور پاکستان کی ٹیمیں منگل کو شام 7 بجے ایک دوسرے کے مقابل ہوں گی۔ پاکستان کی ٹیم پیر کو دوپہر 2 بجے ٹریننگ کرے گی اور 2 بج کر 15 منٹ پر پریس کانفرنس روم میں میڈیا سے بات کرے گی۔ انگلینڈ کی ٹیم شام 6 بجے اختیاری ٹریننگ کرے گی۔ انگلینڈ کی پری میچ میڈیا گفتگو سری لنکا کے خلاف میچ کے بعد ہو چکی ہے اور اس کی ویڈیو اور تحریری مواد شام 6 بجے آن لائن میڈیا زون پر دستیاب ہوگا۔میڈیا نمائندگان سے درخواست ہے کہ وہ مقررہ اوقات کی پابندی کریں اور مزید معلومات کے لیے متعلقہ میڈیا رابطہ حکام سے رابطہ میں رہیں۔